19.07.2019. Os ex decanos do Colexio de Procuradores de Vigo, Manuel Castells e Jesús González-Puelles, non descartan que a Administración da Xustiza volva a recuperar a territorialidade na asignación de casos. “Está claro que un procurador de Cádiz non vai vir a executar unha sentenza a Vigo. Non é raro pensar en volver á territorialidade na profesión”, sinalan ambos procuradores.

Castells e Puelles chegaron á procura fai 36 anos por camiños moi diferentes. O primeiro viu en Vigo unha oportunidade e, a través duns contactos, viaxou dende Alicante para quedar. O segundo, xa coa carreira de avogacía rematada, tivo que facerse cargo do bufete do pai. Hoxe, ambos convertidos xa en ex decanos do Colexio de Procuradores de Vigo, ven a profesión dun xeito moi diferente a como o facían ao principio e, na figura do procurador, unha ferramenta irremplazable para o bo funcionamento da Xustiza.

“O xeito de traballar en cada xulgado é completamente distinto. Hai peculiaridades que o procurador ten que comunicar”, sinala Castells. “O Dereito interprétase e esa cercanía, coñecer como funciona, fai que axilices o proceso ou que evites perder oportunidades procesais. É unha función moi importante”, engade González-Puelles.

Ambos coinciden na necesidade de que o procurador asuma a función de execución. “A xustiza remata na sentencia, pero a fase na que se leva a cabo é máis complicada. Eu estoy rematando un pleito do ano 1984. E esta é unha fase que ao xulgado se lle escapa, por ser máis pedestre”, asegura González-Puelles. “A execución xa non é saír á rúa, salvo en determinados procedementos, senon que é máis ben burocrática. Agora a nosa función é dar cada dous ou tres meses información patrimonial e, en canto a temas civiles, estamos reclamando a posibilidade de facelo nós”, explica Castells facendo referencia á figura do procurador executivo.

Para eles, o grande problema da profesión é a falta dunha norma de territorialidade. “Desnaturalizamos totalmente a profesión. A procura sempre estivo vencellada, e debe estalo, ao tribunal. Traballar dende fora non asegura que o escrito que envíes grazas á telemática esté correcto. Se non sabes como funciona o tribunal, é un perigo importante”, conta González-Puelles. Para Castells “é un problema moi grave non cobrar moito e traballar en todas partes. Estase xerando unha absoluta desconfianza fronte aos profesionais e fronte á estructura da Administración da Xustiza. Non é raro, se se conseguiran esas execucións, pensar en volver á territorialidade. Un profesional de Cádiz non vai vir executar unha sentenza a Vigo”.

Aos futuros procuradores pídenlles que “sexan profesionais”. González-Puelles explica que “iso significa que nesta profesión hai que actuar moi por riba de motivacións económicas e iso non pode interferir nunca ainda que, evidentemente, vivimos disto. Nos últimos tempos, está pasando que a procura converteuse nun tema de pura economía”. Castells precisa que “a procura é unha carreira de fondo. Todo o mundo ten que atopar o seu propósito, que non é cobrar moito, senon ter unha motivación para vivir e traballar. Se atopas satisfación no que fas, iso vaiche compensar moitísimos sinsabores”.

1 Comment
  1. Mercedes de Miguel González 1 semana ago

    Comparto cien por cien vuestra opinión, compañeros. La Procura nunca debió entrar en el ámbito de la Ley Ómnibus porque, por su propia naturaleza, debe estar adscrita a un partido judicial que conoce y en el que puede moverse con soltura, para solventar en muchas ocasiones situaciones urgentes que no pueden resolverse desde la distancia sino desde la inmediatez. La eliminación de la territorialidad ha traído consigo prácticas abusivas por parte de algunos compañeros y de clientes que solo consiguen redundar en detrimento de nuestro prestigio.

Comenta

O teu enderezo electrónico non se publicará Os campos obrigatorios están marcados con *

*

Contáctanos

¿Tienes alguna duda o pregunta? Escríbenos y nos pondremos en contacto lo antes posible

Este sitio está protegido por reCAPTCHA y se aplican la política de privacidad y términos del servicio de Google.

©2019 Ilustre Colegio Procuradores Vigo. Todos los derechos reservados. | Aviso legal | Política de Cookies | Privacidad

Log in with your credentials

Forgot your details?