02 de novembro de 2022. Continúa o traslado á Cidade da Xustiza con novos xuízos que afectan aos procuradores. O xulgado de primeira instancia número 4 celebrará o luns 7 de novembro a súa primeira vista na nova sede. Ata entón, os seus xuízos seguirán desenvolvéndose na rúa Lalín.
O calendario establécese, polo tanto, do seguinte xeito:
Xulgado de Primeira Instancia número 4
- C/ Lalín. Os xuízos do 3 de novembro celebraranse na sede da rúa Lalín, como ata agora.
- Nova Cidade da Xustiza. Os xuízos do luns 7 de novembro celebraranse na nova Cidade da Xustiza, no primeiro andar, sala 3. A partir dese día terán lugar todos na nova sede.
Os procuradores poden consultar o calendario oficial de traslados, así como a distribución dos novos xulgados dentro do edificio, na parte privada da páxina web, no apartado Cidade da Xustiza.
O Colexio de Procuradores de Vigo informará tamén de cada un dos traslados que se produzan, así como das datas dos xuízos nos diferentes edificios, posto que podería haber modificacións no calendario previsto.
