06 outubro 2022. A Mutualidade de Procuradores celebrou unha sesión formativa co Colexio de Economistas de Pontevedra para dar a coñecer as vantaxes de ser mutualista. Desde os seus 75 anos de experiencia na xestión dos aforros dos procuradores, a Mutualidade compartiu cos economistas as posibilidades de complementar as cotizacións ao RETA (Réxime Especial de Traballadores Autónomos) para obter unha maior pensión de xubilación.
As preocupacións xeradas polo actual sistema público de pensións están levando a que cada vez máis traballadores pensen noutras opcións como complemento da súa futura pensión. Por iso, un dos temas tratados foron as diferentes posibilidades privadas para aumentar a pensión de xubilación, entre as que se atopan as que ofrece a Mutualidade de Procuradores. Tamén se abordou a importancia da capitalización individual e do interese composto nos seus produtos, así como as súas vantaxes fiscais. A intervención, dirixida por Jesús González-Puelles Casal, presidente da Mutualidade de Procuradores, incluíu varios casos prácticos con simulacións do que podería cobrar un economista que se incorporase á entidade do procuradores como mutualista.
Tamén participaron na sesión Jacobo Varela, presidente da Correduría de Seguros da Mutualidade; Luis Sánchez, tesoureiro da Fundación; e José Antonio Fandiño, decano do Colexio de Procuradores de Vigo e delegado da Mutualidade.
