03.07.2019. O Colexio de Procuradores de Vigo, en colaboración co Colexio de Avogados de Vigo e o Colexio de Economistas de Pontevedra, formará aos profesionais sobre o portal de subastas do Consello Xeral de Procuradores o próximo xoves, 11 de xullo.
Durante a cita, os asistentes recibirán información sobre a ferramenta de vendas e subastas online subastasprocuradores.com, creada co fin de ofrecer a posibilidade aos procuradores e procuradoras de ralizar depósitos, vendas e subastas de xeito áxil e flexible. Mayte Rodríguez, directora do Departamento Xurídico do Consello Xeral de Procuradores de España, será a encargada de conducir a xornada.
O evento terá lugar no Círculo de Empresarios de Galicia – Clube Financeiro de Vigo, en horario de 17.00 a 19.00 horas.
Aqueles interesados en asistir deben inscribirse antes do 9 de xullo enviando o boletín de inscrición segundo o modelo indicado, dispoñible na área privada da web.
Fai clic aquí para acceder ao formulario na área privada.
