03.10.2019. A intelixencia artificial centrará a IX Xornada de Informática Xudicial e Delitos Informáticos organizada polo Colexio Profesional de Inxeñería Técnica en Informática de Galicia (CPETIG), en colaboración coa Axencia para a Modernización Tecnolóxica de Galicia (Amtega) o próximo 23 de outubro en Santiago de Compostela. A xornada permitirá aos profesionais da Xustiza coñecer as posibilidades que as novas ferramentas tecnolóxicas abren para a protección dos dereitos, así como a nova realidade que a intelixencia artificial xera no ámbito xudicial ou o futuro da proba electrónica.
O encontro terá lugar na Cidade da Cultura, en Santiago de Compostela, o 23 de outubro. A asistencia é libre e gratuita previa reserva.
Clica aquí para consultar o programa e inscribirte.
